பாகிஸ்தான் பயிற்சியாளர்களாக உமர் குல் மற்றும் சயீத் அஜ்மல்

பாகிஸ்தான் கிரிக்கெட் அணியின் பந்துவீச்சு பயிற்சியாளராக பாகிஸ்தான் அணியின் முன்னாள் வேகப்பந்து வீச்சாளர்கள் உமர் குல் மற்றும் சயீத் அஜ்மல் ஆகியோர் நியமிக்கப்பட்டுள்ளனர்.

உமர் குல் வேகப்பந்து வீச்சு பயிற்சியாளராகவும், சயீத் அஜ்மல் சுழல் பயிற்சியாளராகவும் இருப்பார்கள், மேலும் அவர்கள் டிசம்பரில் தொடங்கும் பாகிஸ்தான் மற்றும் ஆஸ்திரேலியா இடையேயான டெஸ்ட் தொடரில் இருந்து தங்கள் பணியை தொடங்குவார்கள் என்று எதிர்பார்க்கப்படுகிறது.

ஒருநாள் உலகக் கோப்பையின் அரையிறுதிக்கு முன்னேறத் தவறிய பாகிஸ்தான் அணியில் பல மாற்றங்கள் ஏற்பட்டன.

பாகிஸ்தான் ஆடவர் தேசிய அணியின் புதிய தேர்வுக் குழுவின் தலைவராக பாகிஸ்தான் முன்னாள் வேகப்பந்து வீச்சாளர் வஹாப் ரியாஸும், அணியின் இயக்குநராக பாகிஸ்தான் முன்னாள் வீரர் முகமது ஹபீசும் நியமிக்கப்பட்டுள்ளனர்.

மேலும் பாபர் அசாம் தனது கேப்டன் பதவியை ராஜினாமா செய்ததையடுத்து, டி20 கேப்டன் பதவி ஷாஹீன் அப்ரிடி மற்றும் டெஸ்ட் கேப்டன் ஷான் மசூத் ஆகியோருக்கு வழங்கப்பட்டுள்ளது.