உயர்தர மாணவர்களுக்கான அறிவிப்பு
கல்விப் பொதுத்தராதர உயர்தரப் பரீட்சை நாளை (04) ஆரம்பமாகவுள்ளது.
மாணவர்கள் பரீட்சை நிலையங்களுக்கு வருவதற்கு தேவையான சகல ஏற்பாடுகளும் செய்யப்படும் என அனர்த்த முகாமைத்துவ நிலையத்தின் பணிப்பாளர் நாயகம் ஓய்வுபெற்ற மேஜர் ஜெனரல் சுதந்த ரணசிங்க தெரிவித்தார்.
இன்று (02) ஊடகங்களுக்கு கருத்து தெரிவிக்கும் போதே அனர்த்த முகாமைத்துவ நிலையத்தின் பணிப்பாளர் நாயகம் இதனை தெரிவித்தார்.
நிலவும் மழையுடனான காலநிலை மற்றும் ஆலங்கட்டி மழை காரணமாக கெக்கிரவ மடடுகம ரேவத வித்தியாலயத்திற்கான பரீட்சை நிலையத்தின் நேரம் மாற்றியமைக்கப்பட்டுள்ளதாக பரீட்சைகள் திணைக்களம் தெரிவித்துள்ளது.
இதுவரை அனுமதி அட்டை கிடைக்காத பரீட்சார்த்திகள் பரீட்சைகள் திணைக்களத்தின் உத்தியோகபூர்வ இணையத்தளத்தின் ஊடாக அதனை பதிவிறக்கம் செய்து கொள்ளலாம் என திணைக்களம் தெரிவித்துள்ளது.
